पुणे : महाराष्ट्र कॉस्मोपॉलिटन एज्युकेशन सोसायटीच्या इंग्लिश मीडियम स्कूलतर्फे आयोजित करण्यात आलेल्या आंतरशालेय चित्रकला स्पर्धेत पुण्यातील ३२ शाळांमधील चौदाशे विद्यार्थ्यांनी सहभाग घेतला. यामध्ये पहिली ते दहावीतील मुलांचा समावेश होता.
स्पर्धेचे उद्घाटन ज्येष्ठ चित्रकार रावसाहेब गुरव यांनी केले. या वेळी संस्थेचे सचिव लतीफ मगदूम, मुख्याध्यापक रबाब खान, हेमा जैन, मुमताज सय्यद उपस्थित होते. माझे आवडते खेळणे, माझ्या स्वप्नातील जग, मुलगी वाचवा, सोशल मीडियाचे फायदे, तंत्रज्ञानाचे तोटे असे विषय स्पर्धेसाठी देण्यात आले होते.
पारितोषिक वितरण मगदूम यांच्या हस्ते करण्यात आले. रुमाना शेख यांनी सूत्रसंचालन केले. झुकिया पटेल यांनी आभार मानले.